لما تيجي تسافر، لازم تكون جاهز قبلها بفترة. ما تقولش “هنرتب وقتها”.

أول حاجة هتحتاج تعملها هي تجهز قائمة بالحاجات اللي محتاجها. ده مهم جدا، عشان يبقى عندك فكرة واضحة عن كل حاجة هتحتاجها. وهنا هيجي دوري، أنا جايبلك قائمة بكل حاجة محتاجها عشان متنساش حاجة:

١) الأوراق المهمة: جواز السفر، وتأشيرة الدخول، وتذاكر الطيران، ولازم تاكد كل الحجوزات اللي محتاجها زي حجز الفندق أو الشقة لو كنت هتأجر، وبطاقات الائتمان، وفلوس محلية حسب الدولة اللي رايحها.

٢) الأجهزة الإلكترونية: جهاز موبايل، ولابتوب، وأي جهاز ثاني لو فيه، ولازم تتأكد إنك جبت شواحن الجوالات واللابتوب معاك.

٣) مستلزمات النظافة الشخصية: شامبو، وصابون، وعطور، وفرشاة أسنان ومعجون، ومشط، وكريمات العناية بالبشرة والشعر، ومكياج للبنات.

٤) الإسعافات الأولية: كمامات، وأدوية للطوارئ، ونضارتك الطبية إذا كنت بتستخدمها، ولاصقات طبية مختلفة الاحجام لقدر الله.

٥) الملابس والأحذية: احسب كمية الملابس والأحذية اللي هتحتاجها علي حسب أيام السفر والجو هناك. ومتنساش تجيب ملابس سباحة لو كنت رايح مكان فيه بحر أو حمام سباحة.

٦) ضروريات السفر في الصيف: نضارة شمس، وقبعة، وواقي شمس، وحقيبة للبحر، وملابس خفيفة ولا تنسى الشنطة تكون بمقاس حاجتك لتوفر عليك تعدد الشنط .

بالنسبة للمواد الممنوعة، خطوط الطيران بتمنع دخول المواد زي البطاريات والأسلحة والسوائل القابلة للاشتعال وبعض المواد الكيميائية. وكمان بتمنع دخول السجائر الإلكترونية والمجوهرات بكميات كبيرة والمبالغ الكبيرة من النقود. في الشنطة اللي هتحملها معاك في الطيارة، ممنوع دخول العطور والكريمات لو كان حجمها أكبر من 100 مل والأدوات الحادة والولاعات والمشروبات السائلة.

وفي النهاية الروبي ستور بيتمنالك سفرية ممتعه سوا وقت اسري او صحبة حلوة او عمل .